"Çin və Rusiya ən böyük təhlükədir"

"Biz istəyirik ki, Çin və Rusiya bunu qəbul etsin"

Ölkə.Az Defense News nəşrinə istinad edərək xəbər verir ki, ABŞ-ın müdafiə nazirinin birinci müavini Robert Uork Çin və Rusiyanı ölkəsinin mili təhlükəsizliyi üçün ən böyük təhlükə adlandırıb.

O, müsahibəsində bildirib ki, bu iki ölkə nüvə silahına malikdir və BMT-nin Təhlükəsizlik şurasının daimi üzv ölkələridir. Məhz bu səbəbdən, Uorkın fikrincə, Çi n və Rusiya ABŞ üçün böyük təhükə hesab olunurlar. Nazir müavini qeyd edib ki, ABŞ hərbi doktrinasında həm Çinə, həm Rusiyaya daha çox diqqət ayıracaq.

"ABŞ Sakit okean regionunda daimi olaraq güc rolunu oynamaq istəyir. Biz istəyirik ki, Çin və Rusiya bunu qəbul etsin", - deyə, Robert Uork bildirib.

Bundan əlavə, amerikan jurnalistləri hesab edirlər ki, Çin və Rusiya Mərkəzi Asiyada ABŞ-a yer qoymayacaq ABŞ-ın inteqrasiya layihəsi çoxsaylı maneələrlə üzləşməli olacaq.

Rəşid Mustafazadə

Ölkə.Az