Çexiya prezidenti Azərbaycana gələcək

“Bu səfəri səbrsizliklə gözləyirik”.

Çexiya prezidenti Miloş Zeman 2015-ci ildə Azərbaycana səfər edəcək.

Ölkə.Az oxu.az-a istinadən xəbər verir ki, bu barədə Çexiya prezidenti dəftərxanasının xarici siyasət idarəsinin rəhbəri Xinek Kmoniçek bildirib.

Kmoniçekin sözlərinə görə, Zemanın 2015-ci il üçün səfərlərinin dəqiq qrafiki hələ hazırlanmayıb.

“Biz hazırda proqramın dəqiqləşdirilməsi üzərində işləyirik”, - deyə, o vurğulayıb.

Qeyd edək ki, bundan əvvəl Zeman hər ay bir xarici ölkəyə səfər edəcəyini söyləmişdi.

“Biz həmçinin Çexiyanın ikinci neft ixracatçısı olan Azərbaycana səfəri səbrsizliklə gözləyirik”, - deyə, Kmoniçek bildirib və səfərin tarixinin hələ tam dəqiqləşdirilmədiyini əlavə edib.

Ölkə.Az