Rusiya istədiyi nəticəni ala bilmədi, amma... - Zülfüqarov nəticələri açıqladı

“Ölkə.Az” xəbər verir ki, bunu sabiq xarici işlər naziri Tofiq Zülfüqarov  Rusiya-Ukrayna müharibəsinin gedişini şərh edərkən deyib.

Onun fikrincə, nəticə etibarilə bu hadisələr Rusiya ordusunun hissələrinin sıralarında çaşqınlığı artırır. 

“Bəzi videomateriallardan göründüyü kimi, Rusiya hərbi komandanlığı diversiya qrupları halında kəşfiyyat və Ukraynanın siyasi və hərbi nəzarət sisteminə zərbələr endirmək üçün sızmağa cəhd edirlər. Əsas məqsəd Ukrayna prezidenti V.Zelenskinin istənilən formada zərərsizləşdirilməsidir”- o  qeyd edib.

Prosesin bundan sonra danışıqlar masasında davam etdiriləcəyinə üstünlük veriləcəyini qeyd edən sabiq nazirin fikrincə, Azərbaycan prezidenti artıq bu istiqamətdə səylər göstərir. 

“Zelenskinin  atəşkəsə nail olmaqda köməyə görə, təşəkkürü və gələcək danışıq yerləri ilə bağlı açıqlaması bunu deməyə əsas verir. 

Əminəm ki, Rusiya prezidenti indi fürsətdən istifadə edərək hadisələrin gedişatını diplomatik kanala qaytarmağa hazır olacaq”, - Zülfüqarov bildirb.

Sanksiyalara gəldikdə isə Zülfüqarov deyib ki, bu gün əsas, müəyyənedici hadisələr iqtisadi sahədə, daha dəqiq desək, Rusiyanın total iqtisadi təcrid prosesində baş verir: “Çox tezliklə bunun ciddi nəticəsi olacaq. Bu da Rusiyada hakimiyyət dəyişikliyini qaçılmaz edir. Bu, dərin siyasi böhran və güc strukturlarının parçalanması şəraitində baş verəcək.

Bu müddət ərzində Rusiya ətrafında qurulmuş təsir sistemi ya təcili, ya da kortəbii şəkildə sıradan çıxarılacaq, ya da boşaldılacaq”.

Cənubi Qafqaza gəldikdə isə sabiq nazir deyib ki, ilk növbədə burada  söhbət Ermənistanda və sülhməramlı qüvvələrin əməliyyatları zonasında Rusiyanın hərbi infrastrukturundan gedir: “Əminəm ki, tezliklə bu mövzular bizim üçün aktual olacaq”.

Mürtəza
Ölkə.Az