ABŞ-dən Putinə çağırış: “Vaxt ziyanınıza işləyir”
Ölkə.az xəbər verir ki, bunu ABBŞ-nin BMT-dəki daimi nümayəndəsinin müavini Den Neqriya BMT Təhlükəsizlik Şurasının iclasında deyib.
“Prezident Donald Trampın ötən həftə G7 sammitində açıq şəkildə bildirdiyi kimi, Rusiya razılığa gəlməlidir. Zaman Moskvanın tərəfində deyil”, - amerikalı diplomat vurğulayıb.
Onun sözlərinə görə, Rusiya hər ay 40 000 nəfər itirir. Onlar ölür və ya yaralanır, eyni zamanda iqtisadiyyatı ciddi şəkildə zəifləyir.
“Bundan fərqli olaraq Ukrayna sürətlə innovasiya tətbiq edir”, - diplomat deyib.
Den Neqriya bildirib ki, yeganə çıxış yolu diplomatiya və danışıqlardır, daha çox qan tökülməsi yox: “Başqa heç nə bu mənasız qətllərin qarşısını ala bilməz. Bu müharibə çox uzun çəkib və bitməlidir”.
Ukraynanın BMT-dəki daimi nümayəndəsi Andrey Melnik Təhlükəsizlik Şurasının iclasında bildirib ki, Kiyev dəfələrlə BMT Təhlükəsizlik Şurasını tam və qeyd-şərtsiz atəşkəs barədə qətnamə qəbul etməyə çağırıb, lakin Ukraynanın uzadılmış əli havada asılı qalıb.
Mürtəza
