Paşinyana dəstək üçün son iki ayda ikinci dəfə İrəvana gəlir
Avropa Komissiyasının Prezidenti Ursula Fon der Lyayen Ermənistana səfər etməyə hazırlaşır.
Ölkə.az xəbər verir ki, bunu “Politico” nəşri yazıb.
Məlumata görə, Avropa İttifaqının genişlənmə üzrə komissarı Marta Kosun da daxil olduğu Aİ nümayəndə heyəti, iyun ayında keçirilən parlament seçkilərində Baş nazir Nikol Paşinyanın Avropayönlü partiyasının böyük qələbə qazanmasından sonra ona nümayişkaranə dəstək jesti çərçivəsində Ermənistana səfər edəcək.
“Politico”nun yazıb ki, səfərin tarixi tam dəqiqləşdirilməsə də, təxminən iyulun 1-nə planlaşdırılır.
Səfərin hazırlıqlarında iştirak edən Aİ rəsmisi bildirib ki, Ermənistanın Rusiya tərəfindən güclü və davamlı təzyiq altında olduğundan bu, Brüssel tərəfindən İrəvana bir dəstək siqnalıdır: “Avropa sizinlədir”.
Qeyd edək ki, bu, Ursula Fon der Lyayenin iki aydan az müddətdə Ermənistana ikinci səfəri olacaq. O, may ayında Avropa Siyasi Birliyinin zirvə toplantısında və ilk Aİ-Ermənistan sammitində iştirak etmək üçün İrəvanda olub.
Qeyd edək ki, Avropa İttifaqının genişlənmə üzrə komissarı Marta Kos bir neçə gün əvvəl Ermənistanın xarici işlər naziri Ararat Mirzoyanla görüşündən sonra “X” hesabaında yazıb ki, iyulun 5-də Ermənistana səfər edəcək.
O bildirib ki, Rusiya Ermənistana təzyiqi artırmağa davam edir və ölkəni son seçkilərdə erməni xalqının etdiyi demokratik seçimdən uzaqlaşdırmağa çalışır.
“Biz maliyyə dəstəyi göstərəcək və Ermənistanla qonşuları və Avropa arasında ticarəti asanlaşdıracağıq. İyulun 5-də mən konkret addımlar atmaq üçün İrəvana gedəcəyəm”, - komissar vurğulayıb.
Mürtəza
