Türkiyənin iki vilayətində naməlum dronlar aşkar edilib
Türkiyənin Qara dəniz əyalətləri olan Kastamonu və Samsunda iki pilotsuz uçuş aparatı (PUA) aşkar edilib və mütəxəssislər onların mənşəyini müəyyənləşdirirlər.
"Ölkə.az" xəbər verir ki, bu barədə Ihlas Haber Agentliyi məlumat yayıb .
Bildirilir ki, Kastamonu əyalətinin Kuşkayası kəndində 200 kq-dan çox çəkiyə malik dron yaşayış binasının yanındakı bağçaya düşüb. Zərbədən sonra dron alovlanıb.
Yerli sakinlər ikinci dronu Samsun vilayətinin Karataş rayonunda tapıblar. Hüquq-mühafizə orqanlarının əməkdaşları qəza yerini mühasirəyə alıblar.
Elvin
Ölkə.az
