Azərbaycanda işsizlərin sayı məlum oldu

2021-ci il sentyabrın 1-i vəziyyətinə ilkin məlumatlara əsasən iqtisadi fəal əhalinin sayı 5294,6 min nəfər olub. 

"Ölkə.Az"ın məlumatına görə, onlardan 4965,4 min nəfərini məşğul, 329,2 min nəfərini işsiz əhali təşkil edib.

Qeyd edək ki, cari il avqustun 1-i vəziyyətinə muzdla çalışan işçilərin sayı 1689,7 min nəfər, o cümlədən iqtisadiyyatın dövlət sektorunda 905,4 min nəfər, qeyri-dövlət sektorunda isə 784,3 min nəfər təşkil edib. İqtisadiyyatın neft-qaz sektorunda 31,9 min nəfər, qeyri neft-qaz sektorunda isə 1657,8 min nəfər çalışıb.