BNA 2,8 milyon manatlıq texniki dəstək xidməti alır

Bakı Nəqliyyat Agentliyi Bakı şəhərinin küçə və prospektlərində quraşdırılmış sahə avadanlıqlarının, onlara aid köməkçi qurğuların və kommunikasiya xətlərinin 7 gün*24 saat iş rejimində fasiləsiz və dayanıqlı fəaliyyətini təmin etmək məqsədi ilə onlara texniki dəstək xidmətlərinin satınalınması üçün elan etdiyi açıq tenderə yekun vurub.

“Ölkə.Az”ın məlumatına görə, tenderub qalibi “Techmaster” MMC olub.

Qalib şirkətlə 2 790,596 min manat məbləğində satınalma müqaviləsi imzalanıb.

Qeyd edək ki, “Techmaster” MMC 31.03.2016-cı ildə dövlət qeydiyyatına alınıb və qanuni təmsilçisi Sərdar Həsənov Əbülfət oğludur. Nizamnamə kapitalı 10 manat olan şirkət Bakı şəhəri Sabunçu rayonu, Zabrat Ştq, E.Məhərrəmli (Südçülük Sovxozu), ev 2ünvanında qeydiyyatdadır.

Könül
Ölkə.Az