Sərnişin dolu qatar TUNELDƏ TÜSTÜLƏDİ
Bakı metrosunda həyəcanlı anlar yaşanıb.
"Ölkə.Az"ın məlumatına görə, hadisə “Bakı Metropoliteni” QSC-nin “Gənclik” stansiyasında qeydə alınıb.
Saytımızın qatarda olan əməkdaşının verdiyi məlumata görə, qatarda tüstülənmə olub:
“Sərnişinlər qatardan boşaldılıb”.
“Bakı Metropoliteni” QSC-nin mətbuat xidmətinin rəhbəri Bəxtiyar Məmmədov saytımıza açıqlamasında bildirib ki, qatarda tüstülənmə olub:
“Tüstülənmə ilə bağlı sərnişinlər boşaldılıb. Aidiyyati üzrə qatara baxış keçirilib. Heç bir təhlükə olmadığından qatar öz hərəkətinə davam edib. Sərnişinlər qatara dolan tüstü səbəbindən həyəcanlanıb. Bir nəfər qadının halı pisləşib. Lakin təcili tibbi yardım çağırılmasını istəməyib və yoluna davam edib”.
