Futbol üzrə Azərbaycan kubokunda 12 komanda iştirak edəcək
Futbol üzrə Azərbaycan Kubokunda 2019-2020-ci illər mövsümünün iştirakçı komandaları müəyyənləşib.
"Ölkə.Az" apa-ya istinadən xəbər verir ki, yarışda 12 komanda iştirak edəcək.
Premyer Liqanın 8 komandası ilə yanaşı, I Divizion təmsilçiləri olan “Zaqatala”, “Kəpəz”, “Ağsu” və “Qaradağ Lökbatan” kubokda mübarizə aparacaq.
Püşkatma mərasimi noyabrın 13-də AFFA-nın inzibati binasında keçiriləcək. Tədbir saat 15:00-da başlayacaq.
