Moldovada parlament buraxıldı
Moldovada siyasi gərginlik davam edir.
“Ölkə.Az” xəbər verir ki, Moldova Konstitusiya Məhkəməsi prezident səlahiyyətlərini müvəqqəti olaraq baş nazir Pavel Filipə həvalə edib.
Konstitusiya Məhkəməsinin qərarına əsasən, baş nazir parlamenti buraxmalı və növbədənkənar parlament seçkiləri təyin etməlidir.
P. Filip artıq parlamentin buraxılması haqqında fərman imzaladığını bildirib. Moldovada növbədənkənar parlament seçkiləri sentyabrın 7-nə təyin olunub.
Konstitusiya Məhkəməsinin qərarı ilə səlahiyyətləri əlindən alınmış İqor Dodon parlament binasına gəlib.Dodonun gəlişindən sonra parlament binası qarşısında etirazçılar toplaşmağa başlayıb. Dodonun əleyhdarları ilə dolu avtobuslar paytaxta doğru hərəkət edir.
Ölkə.Az
