Musiqiçilərimiz Qazaxıstanda “Sarı gəlin”lə səhnəyə çıxacaq — VİDEO

Musiqiçilərimiz Qazaxıstanda “Sarı gəlin”lə səhnəyə çıxacaq
12:01
14.09.2018
11985
Mədəniyyət
A
Bu gün Qazaxıstanda 14 dövlət arasında Ritm Festivalı keçirilir.

“Ölkə.Az” xəbər verir ki, festivalda Azərbaycanı “Natiq” ritm qrupu təmsil edir. Festivalın açılışını Azərbaycanın xalq artisti "Natiq" ritm qrupunun rəhbəri Natiq Şirinov edəcək. Bütün dövlətlərin musiqiçiləri səhnəyə "Natiq" ritm qrupunun ifa edəcəyi "Sarı gəlin" musiqisinin  sədaları altında çıxacaq. 

Qeyd edək ki, festivalda Azərbaycan, Hindistan, Gürcüstan, Latviya, Kanada, İrlandiya, Özbəkistan, Qazaxıstan, ABŞ, Litva, Qırğızıstan, Başqırğıstan və s iştirak edəcəklər.

ŞƏRH YAZ
0

Alim Qasımov UNESCO-nun baş qərargahında konsert verib — FOTO

Alim Qasımov UNESCO-nun baş qərargahında konsert verib
09:00
21.03.2019
325
Mədəniyyət
A
Parisdə UNESCO-nun baş qərargahında beynəlxalq Novruz günü münasibətilə Alim Qasımovun ifasında "Yeddi gözəl" muğam konserti keçirilib.

"Ölkə.Az" report-a istinadən bildirir ki, konsert Azərbaycan Respublikasının UNESCO yanında daimi nümayəndəliyinin təşkilatçılığı ilə Novruzun bu mötəbər qurumun qeyri-maddi irs siyahısına salınmasının 10 illiyi münasibətilə baş tutub.

Tədbirdə Azərbaycan mədəniyyət nazirinin müavini Sevda Məmmədəliyeva, UNESCO yanında daimi nümayəndə Anar Kərimov, diplomatik korpusun nümayəndələri və digər qonaqlar iştirak ediblər.

Mərasimdə çıxış edən natiqlər bəşəriyyətin bu hər iki irsi haqqında, öz ənənələri ilə xalqları bir-birinə yaxınlaşdıran, universal bir dilə malik Novruz və fərqli dillərdə danışan millətlərin hər birinin hər zaman zövqlə dinlədiyi Azərbaycan muğamı haqqında ətraflı məlumat veriblər.

Tədbirdə çıxış edən Azərbaycanın UNESCO yanında daimi nümayəndəsi Anar Kərimov Novruzun qardaşlıq, dostluq, sülh, barışıq rəmzi olduğunu bildirib və bu bayramın bugünkü münqişələr yaşanılan bir dövrdə əhəmiyyətindən söz açıb.

Dünya şöhrətli xanəndə Alim Qasımovun ifasında Azərbaycan muğamı qonaqların gurultulu alqışları ilə qarşılanıb. Xanəndəni kamançada Mirsaeed Xavər Nejad, tarda Zəki Vəliyev, dəfdə Javidan Nəbiyev müşayiət ediblər.

Ölkə.Az

ŞƏRH YAZ
0

Azərbaycanlı pianoçu Fransada təltif edildi — FOTO

Azərbaycanlı pianoçu Fransada təltif edildi
09:29
20.03.2019
359
Mədəniyyət
A
Azərbaycanlı pianoçu Səidə Zülfüqarova Fransanın Karter-Su-Puasi şəhər meriyasının medalı ilə təltif edilib.

"Ölkə.Az" Report-a istinadən xəbər verir ki, S.Zülfüqarova Fransanın Karter-Su-Puasi şəhərinin 2019-cu ilin "fəxri qadın"ı medalına layiq görülüb.

Azərbaycanlı pianoçu bu medala öz peşə fəaliyyəti, şəhərin çıçəklənməsi, inkişafındakı rolu, qadınlar arasında nümayiş etdirdiyi yüksək fəallığı və nəhayət öz sənətinin ona açdığı imkanlardan istifadə edərək insanlar arasında sülhün bərqərar olması üçün göstərdiyi səylərinə görə layiq görülüb.

S.Zülfüqarova açıqlamasında bildirib ki, onda bu mövzuya həssaslıq doğma Vətəni Azərbaycanın bir parçası olan Qarabağın işğalı, bu münaqişənin sülh yolu ilə həlli və regionda sülhün birdəfəlik bərpa olunması üçün bəslədiyi ümid dolu istəyindən irəli gəlir.

Səidə Zülfüqarova Fransada Azərbaycanı öz yüksək peşəkarlığı, tükənməz enerjisi və Vətəninə bəslədiyi sonsuz məhəbbətilə layiqincə təmsil edən musiqiçilərimizdəndir. 

Ölkə.Az

ŞƏRH YAZ
0
BAĞLA