Daha bir ölkə sosial şəbəkələrə yaş məhdudiyyəti gətirir
Böyük Britaniyada 16 yaşdan aşağı vətəndaşların sosial şəbəkələrdən istifadəsinə qadağa qoyulması planlaşdırılır.
Ölkə.az xəbər verir ki, bu barədə ölkənin Baş naziri Keir Starmer "X" sosial şəbəkəsində paylaşım edib.
“Hazırda uşaqlar həyatlarının hər sahəsinə nüfuz edən texnologiyalarla əhatələnmiş bir dünyada böyüyürlər. Mən bunun belə davam etməsinə icazə verə bilmərəm. Buna görə də uşaqlara onların uşaqlığını geri qaytarırıq” deyə, Starmer bildirib.
Baş nazir vurğulayıb ki, bir valideyn kimi uşaqların təhlükəsiz və xoşbəxt böyüməsi onun üçün böyük əhəmiyyət daşıyır. Onun sözlərinə görə, internetin olmadığı dövrdə buna nail olmaq daha asan idi.
Starmer qeyd edib ki, hökumət minlərlə britaniyalı valideynin rəyini öyrənib. Valideynlər övladlarının sosial şəbəkələrdən asılı vəziyyətə düşdüyünü və sonsuz paylaşımlar arasında vaxt keçirdiyini bildiriblər. Onların fikrincə, bu vəziyyət uşaqların oyun oynamasına, kifayət qədər yatmasına və ailə ilə vaxt keçirməsinə mane olur.
Qadağanın 2027-ci ilin yazına qədər qüvvəyə minməsi nəzərdə tutulur.
Qeyd edək ki, Azərbaycanda da 16 yaşdan aşağı vətəndaşların sosial şəbəkələrdən istifadəsi qadağan oluna bilər.(axsam.az)
