Şirməmməd Hüseynovla vida mərasimi keçirilir

"Ölkə.Az" xəbər verir ki, Bakı Dövlət Universitetində (BDU) keçirilən mərasimdə mərhumun ailə üzvləri, yaxınları, elm xadimləri və dövlət rəsmiləri iştirak edirlər. 

Qeyd edək ki, ötən gün 95 yaşında dünyasını dəyişən görkəmli alim vida mərasimindən sonra II Fəxri Xiyabanda dəfn olunacaq. 

***

Azərbaycanın görkəmli alimi və mətbuat tədqiqatçısı, Ali Media Mükafatı laureatı, Prezident təqaüdçüsü, Bakı Dövlət Universitetinin (BDU) Mətbuat tarixi və ideoloji iş metodları kafedrasının professoru Şirməmməd Hüseynovun dəfn olunacağı yer müəyyənləşib.

"Ölkə.Az" Report-a istinadən xəbər verir ki, Ş.Hüseynov İkinci Fəxri xiyabanda torpağa tapşırılacaq.

Qeyd edək ki, saat 11:00-dan 13:00-dək Ş.Hüseynovla BDU-da vida mərasimi keçiriləcək. 

Xatırladaq ki, Ş.Hüseynov iyunun 24-də 95 yaşında vəfat edib.

Ölkə.Az