Yeni “Samsung” smartfonları təqdim edilib
“Ölkə.Az” “ICTnews”a istinadən xəbər verir ki, “Galaxy A30s” modeli 25, 8 və 5 meqapikselli üç əsas kamera, 16 meqapikselli ön kamera, 15 vattadək sürətli enerjidoldurmanı dəstəkləyən 4 min milliamper/saat tutumlu batareya ilə təchiz olunub.
Qurğunun aparat əsasını səkkiznüvəli (iki 1,8 QHs və altı 1,6 QHs) prosessor, 3 və ya 4 giqabaytlıq operativ və 32, 64 və 128 giqabaytlıq quraşdırılmış yaddaş təşkil edir.
“Galaxy A50s” modeli 48, 8 və 5 meqapikselli üç əsas arxa kamera, 32 meqapikselli ön kamera, “Galaxy A30s” kimi analoji tutuma malik akkumulyator, səkkiznüvəli (dörd 2,3 QHs, və dörd 1,7 QHs) prosessor, 4 və ya 6 giqabaytlıq operativ və 64 və 128 giqabaytlıq quraşdırılmış yaddaşla təchiz edilib.
Yeni smartfonlar “Samsung One UI” interfeysli “Android 9.0 Pie” əməliyyat sisteminin idarəetməsi ilə işləyir.
Ölkə.Az