“ABŞ-ın gizli planını Rusiya və Türkiyə dağıdır”
“ABŞ-ın planlarından biri Şimali İraq və Suriyanın şimalı ilə kürd zolağı yaradaraq, Kürdüstan vasitəsilə Aralıq dənizinə çıxışı təmin etməkdir. Əslində bu İsrail-Amerika planlarından biri idi”.
Bu barədə “Ölkə.Az”a açıqlamasında politoloq Adıgözəl Məmmədov bildirib. Onun sözlərinə görə, burada həm də Orta Şərqin enerji resurslarının Türkiyədən asılı olmayaraq dünya bazarına çıxarılması məsələsi dayanırdı.
“Buna qarşı Rusiya-Türkiyə birləşərək kürd dəhlizini gündəmə gətirdilər. Bununla da, Avropanın korbohidrat ehtiyatlarının daha çox Rusiyadan asılılığını tənzimləmək üçün Türkiyə Rusiya yaxınlaşdı. Beləliklə kürd dəhlizinə üstünlük verdilər”, - deyə siyasətçi bildirib.
A.Məmmədov deyir ki, hazırda regionda böyük güclər toqquşur: “Faktiki olaraq, burada tək kürd məsələsi deyil. Amerika-İsrail və Rusiya-Türkiyə qarşıdurmasıdır. Onlara müəyyən qədər də İran kömək edir”.
Ziya Səccad
Ölkə.Az
