Saxta vətənpərvərlik: faktlar danışır – Necə özünü ifşa etdi…

Bir zərb məsəli var, yalan və ya saxtakarlıq ayaq tutar, amma yeriməz. Saxtakarlıq və yalan hansısa mərhələdə üzə çıxacaq. Bir çox hallarda bu saxtalığı törədən şəxs üzə çıxarır və öz qaranlıq keçmişinə özü aydınlıq gətirməli olur. Ona görə də deyiblər ki, danışmaq gümüşdürsə, susmaq qızıldır. Çünki dediyin söz nə qədər ağızdan çıxmayıb ağasısan, çıxdısa onun nökəri… Mübariz Mənsimov da sonuncu qalmaqallı müsahibəsindən sonra həm öz keçmiş qaranlıq fəaliyyətinə aydınlıq gətirərək necə saxta vətənpərvər olduğuna aydınlıq gətirmiş oldu, həm də dediyi sözlərinin köləsinə çevrilmiş oldu.

Mübariz Mənsimovun səsləndirdiyi fikirlər bir daha onun keçmişinə sərf-nəzər etməyi vadar edir.

İndi keçək onun müsahibəsində səsləndirdiyi saxta vətənpərvər və ya qəhrəman kimi gözə soxub dividend qazanmaq istədiyi fikirlərə… Və o zaman onun necə yalançı olduğunun şahidi olacağıq. Bunun üçün heç uzağa getməyək. Onun tərcümeyi-halına nəzər yetirməklə, necə ziddiyətli məqamların ortaya çıxdığı məlum olur.

Keçək faktlara… Mənsimov deyir ki, zamanında Əfqanıstanda odun-alovun içində hərbi xidmətdə olub. Amma əlahəzrət fakt isə bunun tam əksini deyir. 

Onun barəsində vikipediya tərcümeyi halında atasının istəyi ilə hərbçi peşəsini seçir və Bakıdakı hərbi liseyi, daha sonra isə Bakıda Ali Hərbi Məktəbə daxil olan Mübariz üç il ərzində kəşfiyyat sahəsinin incəliklərini öyrənir.  Hərbi məktəbi bitirən Mübariz Almaniyada hərbi xidmətə göndərilir. Amma rəsmi faktlar isə bunun əksini deyir.

Belə ki, "Haqqin.az” portalının baş redaktoru Eynulla Fətullayev iş adamının hərbi xidmət dövrü ilə bağlı  apardığı araşdırmada tamamilə fərqli fakt ortaya çıxır. Fətullayev bununla bağlı Müdafiə Nazirliyinə sorğu göndərib və aşağıdakı məzmunda cavab alıb: "22.03.1968-ci il təvəllüdlü Mənsimov Mübariz Qurbanəli oğlu. 12.07.1987-14.04.1989-cu illərdə keçmiş sovet ordusunun 145 nömrəli hərbi hissəsinin hərbi qida məktəbində xidmət edib. Hərbi uçot ixtisası - Qoşun Qidasının aşpazı. Keçmiş SSRİ SQ-nin 145 nömrəli Hərbi Aşpazlar Məktəbi Almaniyada Sovet Qoşunları Qrupunun 20-ci Qvardiya Ümumqoşun Ordusu tərkibində Finovfurt şəhərində dislokasiya olunmuşdur. Sonradan hərbi hissə RF-nin Çita vilayətinin ərazisinə köçürülmüşdür”.

Araşdırma zamanı o da bəlli olur ki, Mənsimov hərbi xidmətdən tağım komandirinin müavini kimi çavuş rütbəsində tərxis olunub. Hazırda SHXÇDX-nın Nizami Rİ-də hərbi qeydiyyatdadır. 31 nömrəli peşə məktəbini montajçı ixtisası üzrə bitirib. Amma Ali Hərbi Məktəbi bitirdiyinə görə, leytenant rütbəsi ilə hərbi xidmətini davam etdirməli idi. Və xidmət etdiyi 4 il ərzində baş leytenant rütbəsi almalı idi. 
Saxta vətənpərvərliyə gəldikdə isə onu deyə bilərik ki, Mənsimov zamana görə addım atıb, özünü millətin gözünə soxmaq üçün şirkətində olan gəmiləri cəmiyyətdə nüfuzlu şəxslərin adını qoyurdu. Mənsimov zamanında “Heydər Əliyev”, “Elçibəy, “Rəsulzadə” və digər şəxslərin adını qoyurdusa, indi də şəhidlərin adından istifadə edərək, özünü “vətənpərvər” kimi cəmiyyətə sırımağa çalışır.

Növbəti fakt deyir ki, Azərbaycanda stadionu məhz o tikdirdikdən sonra stadionlar və idman kompleksləri tikilməyə başlayıb. Onun dediyi bu fikir də absurddur. 

İlk olaraq onu qeyd etmək lazımdır ki, ölkdə idman sahəsinə diqqət və qayğı Ulu öndər Heydər Əliyevin yürütdüyü siyasətin əsas prioritetlərindən birini təşkil edib. Məhz onun Respublikaya rəhbərlik etdiyi dövrdə idman inkişaf etməyə başlayıb. Elə Mübariz Mənsimov da Ulu öndərin bu sahəyə göstərdiyi diqqətin nəticəsi olaraq Azərbaycanda fəaliyyət göstərib. Onun fəaliyyətinə hər cür şərait yaradıb.

Digər xüsusi bir məqam isə ondan ibarətdir ki, Ulu öndər 1993-cü ildə Azərbaycana rəhbərliyə gəldi və o zaman ölkədəki vəziyyət necə idi, hamı bilir. Ölkədə siyasi sabitliyi bərpa edib, iqtisadi inkişafın təməlini qoymaq üçün zaman tələb olunurdu. Lakin bu çətinliklərə baxmayaraq Ulu öndər idmana çox böyük diqqət yetirirdi. Belə ki, o idman diplomatiyası ilə Azərbaycanı dünyaya təqdim edib, tanıdırdı. 

Ulu öndərin dövründə cənab İlham Əliyevim Milli Olimpiya Komitəsinin prezidenti seçilməsi ilə bu sahədə ən qısa zamanda ciddi nəticələr əldə edildi. İdmanın inkişafı ölkədə geniş vüsət aldı. Məhz cənab İlham Əliyevin Milli Olimpiya Komitəsinə rəhbərlik etdiyi qısa dövr ərzində Azərbaycan dünyada idman ölkəsi kimi tanındı. O, idman sahəsində ciddi nəticələr əldə edilməsi istiqamətində Respublikanın bölgələrində idman infrstrukturlarının yaradılması prosesinə başladıldı. Bu gün Respublikanın ən ucqar bölgəsində belə ən müasir standartlara cavab verən idman kompleksləri tikilib, insanların istifadəsinə verilib. Bu proses bu gün də davam etməkdədir. Tikilib istifadəyə verilən idman komplekslərinin siyahısını təqdim etsək o zaman çox böyük bir siyahı alınacaq. 

Mənsimov öz xeyriyyəçi əməllərini sadalamaqla özünü gözə soxmağa çalışır və bu yolla özünü reklam etməyə çalışır. Amma bu gün Azərbaycanda minlərlə insan və ya iş adamı var ki, etdiyi xeyriyyə hərəkətini gizlədir. Adının çəkilməsini istəmir. İnsanlar var ki, özü çörəyə möhtacdır, ancaq aldığı kiçik həcmli pensiyasından ciddi yardıma ehtiyacı olanlara ayırır. Yüzlərlə, minlərlə belə faktı misal çəkmək olar.  

Mənsimov deyir ki, öz ata yurdu olan Masallının Miyankü kəndini qazlaşdırıb.  Məgər bu gün Azərbaycanda belə bir hərəkəti Mübariz Mənsimovmu edib?! Yox! Yenə də yüzlərlə belə fakt çəkmək olar ki, imkanlı insanlar bir araya gələrək öz doğma yurdlarını abadlaşdırıblar. Yol, qaz çəkib və digərabadlıq işləri görüblər. Digər tərəfdən cənab Prezident İlham Əliyevin yürütdüyü daxili siyasətin əsas prioriteti ölkənin qazlaşdırılması, yolların çəkilməsi, bölgələrin abadlaşdırılmasıdır. Məhz dövlət başçısının rəhbərliyi altında bölgələrdə genişmiqyaslı infrastruktur layihələri həyata keçirilir. Bu gün bütün rayonlarda qazlaşdırma prosesi gedir, yol infrastrukturuna ciddi diqqət yetirilir, ən müxtəlif sosial obyektlər, məktəblər, səhiyyə ocaqları tikilib və tikilməkdədir. 

İnsan etdiyini deməz, edirsə də bunu dilə gətirməz. Gətirirsə, demək bunun arxasında hansısa məqsəd var. Bunu məqsədlərinə nail olmaq üçün edir. Mənsimov da bunu deməklə qarşısında hansısa öz maraqlarına xidmət edən oyunları üçün edir. Bunu da hamı görür. Ona görə də deyirlər, ya olduğun kimi görün, ya da göründüyün kimi ol. Əks halda bu saxtakarlıqdır və bununla uzaq yol getmək olmaz. əvvəl-axır bu əməllərin paxırı üzə çıxacaq. Sonrakı peşmaçılıq isə fayda verməz.

Ölkə.Az