Paşinyanın gizlin planları ortaya çıxır: yaranan səs-küyün şok detallarıxa0
Ermənistanın sentyabrın 12-dən 13-nə keçən gecə diversiya təxribatını həyata keçirməklə pərdəarxası bir sıra planları olub.
Birincisi, Paşinyan qərbdəki və bəzi digər güclərin əli ilə Rusiyanı və KTMT-ni Ermənistan-Azərbaycan münaqişəsinə cəlb etmək planını həyata keçirməyə cəhd etdi. Azərbaycan sərhədində təxribatı törədən Paşinyan hakimiyyəti İrəvanla Moskva arasındakı ikitərəfli müttəfiqlik sənədələrinə uyğun və KTMT üzvü kimi rəsmi şəkildə Rusiyaya müraciət etdi. Lakin İrəvanın oyununu yaxşı anlayan Moskva və KTMT buna getmədi.
Digər tərəfdən isə Paşinyan bununla erməni cəmiyyətinə və rusiyapərəst qüvvələrə göstərməyə çalışdı ki, bax, güvəndiyiniz Rusiya da dəstək vermədi. Paşinyan bu yolla ölkə daxilindəki rusiyapərəst müxalifəti fakt qarşısında qoyub, zərərsizləşdirməyə çalışır. Bununla demək istəyir ki, Rusiya bizi dəstəkləmədəyinə görə, mən də məcbur olub Qərbə üz tuturam.
İrəvan istər Qarabağdakı ermənilərin, istərsə də Ermənistanın təhlükəsizliyini hansısa xarici dövlətin üzərinə qoyub, onların təmin etməsinə nail olmağa çalışır. İndiyə qədər bu təhlükəsizlik rolunu Rusiya oynayırdı. Amma İrəvanın Qərbə meyilləndiyini görən Moskva bu məsələdə o qədər də maraqlı deyil. Digər tərəfdən isə Ukraynadakı vəziyyətə başı qarışıb və sanksiyalarla üzləşən Rusiya ciddi problemlər məngənəsindədir. Bu səbəblərdən Ermənistan artıq Moskvanın maraq dairəsindən çıxıraq forpost rolunu itirməkdədir. Belə bir məqamda Moskva İrəvanla deyil, Bakı ilə daha sıx ikitərəfli münasibətlər qurub. Üzləşdiyi problemləri az da olsa həll etməyə çalışır. Rusiya ən azından üzləşdiyi sanksiyaların təsirini azaltmaq üçün Azərbaycanın rolundan istifadə etməyə çalışır. Bu isə ən azından qısamüddətli mərhələdə hər iki tərəfin maraqlarına xidmət edir. Bakı da Moskvanın İrəvana olan soyuq münasibətindən faydalanıb Ermənistan-Azərbaycan münaqişəsini bacardıqca öz xeyrinə həll etməyə çalışır.
İkinci əsas məqam isə ondan ibarətdir ki, ölkədən Rusiyanı sıxışdırıb çıxaran Paşinyan rus hərbi qüvvələri və sülhməramlıları əvəzinə Qarabağ və Ermənistanda təhlükəsizliklərini təmin etmək adı altında Qərbin, ələlxüsus da Fransanın hərbi qüvvələrini BMT sülhməramlıları kimi yerləşdirilməsinə nail olmaq istəyir. O bu məqsədinə başda ABŞ, Fransa olmaqla Qərb ölkələrinin dəstəyi ilə nail olmağa çalışır. Paşinyanın bu məsələni Qərb dairələri ilə müzakirə etdiyi də bildirilir.
Bu yolla Paşinyan həm də Türkiyənin bölgədə nüfuz dairəsinin genişlənməsinin qarşısını almağı planlayır.
Qərblə yanaşı, İran da İrəvana dəstək verməyə hazırdır.
Hətta Qərb Paşinyanın bu planlarını reallaşdırmaq üçün Azərbaycandakı “5-ci kolon”un və erməni lobbisinin təsir dairəsində olan blogerlərin, ictimai fəalların rolundan da faydalanmağa yardım edəcəklərinə söz verib. Son günlərdə istər ölkə daxilində, istərsə də xaricində olan blogerlərin, fəalların və bəzi müxalif siyasətçilərin fəaliyyəti bunun bariz nümunəsidir.
Mürtəza Bünyadlı
Ölkə.Az
