Putin İranın hansı addımından qorxur? - Priqojinin ölümündən sonrakı təsirlər

Rusiyanın Afrikadakı siyasəti eyni templə davam edəcək. Rusiya Federasiyasının məqsədi Ukraynanı Qərb cəmiyyətinin gündəmindən çıxarmaqdır.

Ölkə.Az xəbər verir ki, Türkiyənin aparıcı analitik mərkəzi SETA-nın ekspertləri belə düşünür.

Rusiya Federasiyasının müharibə ilə məşğul olması səbəbindən İran Suriyada praktiki olaraq öz yerini tutub. Rusiya-Ukrayna müharibəsi davam etdikcə bu mənzərənin dəyişməz qalacağı gözlənilir.

Suriyada Rusiya üçün real təhlükə bundan ibarətdir ki, İran nüvə proqramı və neft-qaz müqabilində ABŞ və Avropa arasında razılaşma ola bilər.

Liviyaya gəlincə, Haftarın (Liviya milli ordusunun rəhbəri) asılı vəziyyətə düşdüyü "Vaqner" Sirt şəhərlərinə və strateji əhəmiyyətli Cufraya nəzarət edir. Rusiyanın burada prioriteti Liviyanın şərqindən keçməklə Sahelin Afrika ölkələrinə (Burkina Faso, Mavritaniya, Mali, Niger və Çad) çıxış və Liviya neftindən pay almaqdır. Ona görə də Rusiyanın Liviyanı tərk edəcəyini gözləmək lazım deyil. Qərb dövlətlərinin Liviyanın baş naziri Dibeyb və Haftara hansı təzyiqləri göstərə biləcəklərinə diqqət yetirmək lazımdır. Yəqin ki, Qərb onlara ölkədə siyasi prosesləri sürətləndirmək və tez bir zamanda seçki keçirmək formasında şərt qoyacaq. Rusiya isə Liviyada seçkilərin baş tutmamasında və vaqnerçilərin buradan çıxarılmamasında maraqlıdır.

Miri
Ölkə.Az