Kişilər qab yudu, uşaq bezini dəyişdirdi, yemək bişirdi -  VİDEO

BMT-nin Qadınlar üzrə Agentliyi və BMT-nin Əhali Fondu Azərbaycanda maraqlı bir reklam kampaniyası edib.

Ölkə.Az xəbər verir ki, reklam üçün 3 xəyali brend yaradıblar və bu brendlərin reklamlarında məişət məsələlərində gender bərabərsizliyinə diqqət çəkmək üçün kişi simalar istifadə ediblər. 

Qeyd olunub ki, bu cür reklamlarda ancaq qadınların baş rolda olması, cəmiyyətimizdə gender stereotiplərinin və qadınlara qarşı ayrı-seçkiliyin daha da güclənməsinə rəvac verir. 

Sözügedən videoçarxlar Avropa İttifaqı tərəfindən maliyyələşdirilən, BMT-nin Qadınlar üzrə Agentliyi və BMT-nin Əhali Fondu tərəfindən birgə həyata keçirilən “Avropa İttifaqı Gender Bərabərliyi naminə: Gender stereotiplərinə və gender əsaslı zorakılığa qarşı” proqramı çərçivəsində hazırlanıb.

Sözügedən reklam çarxları sosial şəbəkələrdə müzakirələrə səbəb olub və birmənalı qarşılanmayıb.

Kişilər sosial şəbəkələrdə "gərək bu məntiqlə sement reklamlarına da qadınlar çəkilsin", "qadınlar bu gedişlə işsiz qalacaq", "üstümüzdə ekspriment aparırlar" və s. şərhlər yazılıb.

Billurə