Azərbaycanda ana 15 il əvvəl övladlığa verdiyi qızını qaçırıb?

Azərbaycanda ana 15 il əvvəl övladlığa verdiyi qızını qaçırıb? - DİN-dən açıqlama

***

Sosial şəbəkələrdə azyaşlının qaçırılması ilə bağlı yayılan iddialar araşdırılıb.

DİN-in Mətbuat Xidmətinin Lənkəran regional qrupunun baş inspektoru, polis kapitanı Məhəmməd Rzayev APA-ya bildirib ki, tərəflər Lənkəran Şəhər Rayon Polis Şöbəsinə dəvət olunaraq dinlənilib.

Azyaşlı Yetkinlik Yaşına Çatmayanların İşləri və Onların Hüquqlarının Müdafiəsi Komissiyasının əməkdaşları və psixoloqun iştirakı ilə verdiyi izahatda könüllü şəkildə bioloji anasının yanına getdiyini, onu övladlığa götürən T.Əliyevanın yanına qayıtmaq istəmədiyini bildirib.

Araşdırmalarla əməldə kriminal tərkibin olmadığı müəyyən olunub.

Toplanmış material baxılması üçün aidiyyəti üzrə Yetkinlik Yaşına Çatmayanların İşləri və Onların Hüquqlarının Müdafiəsi Komissiyasına göndərilib.

10:18

Lənkəranda qəribə olay baş verib.

Ölkə.Az xəbər verir ki, bu barədə Azərbaycan Uşaqlar Birliyinin sədri Kəmalə Ağazadə məlumat yayıb. O iddia edib ki, ailə illər öncə imtina edib başqa ailəyə övladlığa verilən yeniyetməni qaçırıb:
“İllər öncə notarial qaydada uşaqdan imtina edilib. Övladlığa verilmə prosesi məhkəmə yolu ilə həyata keçirilib. Gözəl bir ailə formalaşıb. Ta ki, məxfilik pozulub və ana tapılıb ailəni dağıdanadək.

15 yaşlı qızı bioloji ana və qohumları qaçırdıb. Qıza nə ediblərsə - özləri bilir təbii ki - qız rəsmi anaya dönmür. Uşaq övladığa götürən ailənin ad, soyadındadır.

Qonşular uşağın məcburən saxlandığını iddia edir. Məxfiliyin pozulması cinayət tərkibi yaradır. Uşağın qaçırılması da cinayət tərkibi yaradır. Uşağın başına nə gələcəyi min bir fikir yaradır. Rəsmi ailə yalvarır. Uşaq təzyiq altında “getmirəm” deyir”.

Ailənin əlaqə nömrəsini aidiyyəti dövlət qurumlarına verəcəyini deyən K.Ağazadə söyləyib ki, uşaq bioloji anasından alınaraq ailəsinə verilməlidir.

Billurə