Samuxda qəza olub, 3 nəfər ölüb, 1 nəfər yaralanıb
Ölkə.az xəbər verir ki, hadisə rayon ərazisində "VAZ 2107" və "Mercedes" markalı minik avtomobillərinin toqquşması nəticəsində qeydə alınıb.
İlkin məlumata görə, qəza zamanı 1975-ci il təvəllüdlü S. Əhmədov, 1987-ci il təvəllüdlü F. Əhmədova və 1962-ci il təvəllüdlü A. Alıyeva hadisə yerində həyatını itirib.
Qəza nəticəsində daha iki nəfər ağır xəsarət alıb. Hadisə yerinə FHN-in Gəncə Regional Mərkəzinin Xüsusi Xilasetmə Hissəsinin xilasediciləri, polis və Dövlət Yol Polisi əməkdaşları cəlb olunub.
Xilasedicilər avtomobildə sıxılmış vəziyyətdə qalan üç nəfərin meyitini çıxararaq aidiyyəti üzrə təhvil veriblər. Həmçinin avtomobildə sıxılmış vəziyyətdə qalan bir yaralı xilas edilərək təcili tibbi yardım briqadasına təhvil verilib.
Faktla bağlı araşdırma aparılır.
