İran rejiminin sərhəd ərazimizdə qoşun yeritdiyi yer - FOTOFAKT
Xəbər verdiyimiz kimi, İran rejimi Azərbaycanla sərhədə canlı qüvvə və hərbi texnika yeridir.
Məlumata görə, SEPAH-ın teleqram kanalı Araz çayı üzərində kəşfiyyat uçuşu həyata keçirən İran helikopterinin apardığı çəkilişin görüntülərini paylaşıb.
Paylaşılan videoda İran ərazisindən sərhədə doğru hərbi texnikanın daşındığı əks olunub.
Ölkə.Az xəbər verir ki, "Bez tormozov" teleqram kanalı ərazinin dəqiqliyini müəyyən edib. Belə ki, Naxçıvanla sərhəddə iranlıların helikopterdən konkret hansı məkanda çəkiliş aparıldığı məlum olub.
Xatırladaq ki, görüntüləri İranın Teleradio və Yayım Təşkilatının təhlükəsizlik və hərbi müxbiri Yunis Şadlunun yayımladığı bildirilib. Yunis Şadlu həmçinin bu paylaşımına verdiyi şərhdə İranın sərhəd ölkələrinə bununla açıq şəkildə xəbərdarlıq etdiyini deyib.
