1 iyun Uşaqların Beynəlxalq Müdafiəsi Gününə həsr olunmuş bayram konserti keçirilib - FOTO
Bayram konserti təşkilatçı-prodüser Lalə Dadaşovanın, "Nur Organization"nın rəhbəri Kamran Nurun, "Əkinçi" TEST İB-nin təsisçisi Emin Hacısoy TürkƏrin, "Mübarizlər" İB-nin sədr müavini Gülnar Nəsiblinin birgə təşkilatçılığı ilə baş tutub.
Konsert təşkilatçı Lalə Dadaşovanın başlatdığı "Bir zərrənin sevinci" adlı xeyriyyə marafonu çərçivəsində, aparıcı Əmanət Fərəcqızını təqdimatı ilə Azərbaycan Respublikasının dövlət himni səsləndirildi və Azərbaycanın ərazi bütövlüyü uğrunda canından keçmiş şəhidlərin ruhu bir dəqiqəlik sükutla ehtiramla yad edilib.
Konsertdə ilk olaraq Astara rayonun deputatı Rəşad Mahmudova söz verilib. Rəşad müəllim öz növbəsində tədbir iştirakçılarını salamlayaraq, bayram münasibətilə körpə fidanları təbrik edib. Hamoşam bələdiyyəsinin sədri Rüfət Əliyev də öz növbəsində konsert iştirakçılarını salamlayıb. Təşkilatçılara təşəkkürünü bildirib və uşaqların bayramını təbrik edib.
Konsert proqramında Bakıdan gəlmiş "Avaz 4" televiziya muğam müsabiqəsinin qalibi Duyğu Rüstəmova, Beynəlxalq festivallar iştirakçısı Kamal Dadaşov, Beynəlxalq "Xarı Bülbül" iştirakçısı Xəyyam Qasımzadə və müsabiqələr qalibi rəqqasə Amaliya Ağayeva musiqi nömrələri ilə balaca sakinləri sevindiriblər.
Bundan başqa, bayram konsertində yerli folklor nümunələri göstərilib.
Konsertin sonunda "Əkinçi" TEST İB-nin təsisçisi Emin Hacısoy uşaqlarla birlikdə simvolik "el bir olsa" şüarını səsləndirərək konserti bağlı elan edib.
2 iyun tarixində isə Astara Rayon İcra Hakimiyyətinin tərəfdaşlığı ilə "Əkinçi" TEST İB könüllüləri birlikdə "Yaşıl dünya naminə həmrəylik ili" çərçivəsində dəniz sahili ərazisində təmizlik işləri aparılaraq "eko aksiya" keçirilib.
