"Tibbdə "40 çıxarma" yoxdur: Bu adəti icad edən kimdir?"
Yeni doğulan uşağın “40-dan çıxarılması” və ya “uşaqgörmə”... Bunu kim düşünüb, kim icad edib? Tibbdə “40 çıxarma” anlayışı yoxdur".
"Ölkə Az" xəbər verir ki, bu fikirləri pediatr Vaqif Qarayev deyib.
Onun sözlərinə görə, tibbdə yenidoğulmuş dövrü anlayışı var, 28 gün, yəni 4 həftə:
"Bu, uşağın həyatının xüsusi və həssas dövrüdür. Hətta bu dövrü ayrıca bir elm sahəsi öyrənir. Vəssalam. “Gedim filankəsin uşağını görüm” adətini kim ortaya çıxarıb axı? İnsanlar gedib özləri ilə apardıqları virusları körpəyə də ötürürlər. Ailə üzvlərindən başqa heç kim bu dövrdə körpə ilə təmasda olmamalıdır!
Əgər körpənin doğum evindən çıxdıqdan bir neçə gün sonra qızdırması qalxırsa, böyük ehtimalla ona hansısa “viruslu qonaq” yoluxdurub".
Həmidə İbrahimova
