Misirdə prezident seçkilərinin nəticəsi açıqlanıb
Misirdə müxaliflərin boykot etdiyi prezident seçkilərinin nəticələri elan olunub.
“Ölkə.Az” xəbər verir ki, Misir Milli Seçki Komissiyasının təşkil etdiyi və Dövlət Televiziyası ilə yayımlanan mətbuat konfransında hazırki prezident Əbdülfəttah əs-Sisinin səslərin 97,08 faizini toplayaraq ikinci müddətə prezident seçildiyi açıqlanıb.
Sisinin rəqibi Musa Mustafa Musa isə 2,92 % səs toplayıb. Sisinin 21 milyon 835 min 387, Musanın isə 656 min 534 səs toladığı açıqlanıb.
MSK sədri İbrahim Laşin seçkilərdə aktivliyin 41,5 % olduğunu bildirib.
Qeyd edək ki, sayılmayan səslərin faizi 7,27 % olub. Seçicilərin böyük hissəsinin boykot əvəzinə, müəyyən səbəblərdən seçkidə iştirak edə bilməyən siyasilərə səs verdiyi təxmin edilir.
Ölkə.Az
