Hindistanda gənc oğlan ölən sevgilisinin meyiti ilə evləndi
Hindistanda qəribə hadisə meydana gəlib.
“Ölkə.Az” xəbər verir ki, hindli bir şəxs avtomobil qəzasında həlak olan sevgilisinin meyiti ilə evlənib. Dəfn mərasimində çəkilən videoda çox qəmgin görünən şəxsin dəfndə iştirak edən insanların qarşısında hind adətlərinə uyğun toy ritualları sərgilədiyi görünür.
Qızın anası isə adətə uyğun olaraq meyitə gəlin paltarı geyindirib və qızının üzərinə toyu simvolizə edən qırmızı toz səpib. Bəy isə meyitin alnına qırmızı xal qoyaraq ağlayır.
Cütlüyün 4 ildir sevgili olduğu və qəzadan əvvəl evlənməyi planlaşdırdığı məlum olub.
Hikmət Həsənov
Ölkə.Az
