Anasının yerinə işə getdi, öldü - FOTO
Türkiyədə anasının yerinə işə gedən qadın öldürülüb.
“Ölkə.az” xəbər verir ki, hadisə İzmir şəhərində baş verib.
Belə ki, HDP-nin bölgə üzrə ofisində çay paylamaq işinə baxan Fehime Poyraz xəstələndiyi üçün işə getməyib.
Həmin gün Dəniz Poyraz anasının yerinə işə gedib. İzmirdəki HDP binasına gələn silahlı şəxslərdən biri odlu silahdan ətrafa atəş açmağa başlayıb.
Hadisə nəticəsində D.Poyraz həlak olub. Onun hücum vaxtı binada tək olduğu üzə çıxıb.
İzmir valiliyi silahlı şəxsin əvvəl HDP də çalışdığını açıqlayıb.
Faktla bağlı araşdırma aparılır.
