Uşağına siqaret verib ölməsi üçün dərman içirən ana saxlanıldı

Türkiyənin Kayseri şəhərində 3 yaşındakı oğlu Y.T-yə siqaret verib, ölməsi üçün dərman içirən ana saxlanılıb.

“Ölkə.az” Türkiyə mətbuatına istinadla xəbər verir ki, ana Öznür Ö. Sosial şəbəkələrdə yayılan görüntülərinə görə saxlanılıb, oğlu isə qoruma altına alınıb.

Ananın telefonunda tapılan görüntülərdə dərmanları oğluna zorla içirdiyi müəyyən olunub:

“Nə sən, nə də mən. Artıq yaşamayaq. Bu həyatı bizə çox gördülər. Onsuz da öləcəksən, iç”-Öznur Ö. söyləyib.

Qeyd edək ki, Öznür Ö. 4 il əvvəl İngiltərədə yaşayan Turqut Ö. ilə dini nikaha daxil olub. Turqut Ö. 1.5 il əvvəl işləmək üçün İngiltərəyə yollanıb. Öznur Ö. isə oğlunu başqa birinin qəyyumluğuna verib.

Turqut Ö. Həyat yoldaşının oğullarına siqaret verdiyi görüntüləri izlədikdən sonra polisə müraciət edib.

Faktla bağlı araşdırma aparılır.