Əfqanıstanda üç partlayış olub, yaralılar var

Bu gün Əfqanıstanın müxtəlif əyalətlərində demək olar ki, eyni vaxtda üç partlayış baş verib.

"Ölkə.az" APA-ya istinadla xəbər verir ki, bu barədə Əfqanıstanın “Aşvaka” agentliyi məlumat yayıb.

Məlumata görə, onlardan ikisinin hədəfi ölkədə hakimiyyətə gələn radikal Taliban hərəkatının tərəfdarları olub.

Qeyd edilir ki, Qunduz əyalətində yol kənarındakı minanın partlaması nəticəsində azı 4 mülki şəxs xəsarət alıb. Bədəxşan əyalətinin mərkəzi Faizabad şəhərində partlayıcı qurğu Taliban tərəfindən təchiz edilmiş polis bölməsinin yanında işə salınıb. Kunar əyalətində radikal hərəkatın silahlılarını daşıyan avtomobil partladılıb.

Talibanın təyin etdiyi yerli hakimiyyət orqanları son iki insidentlə bağlı heç bir açıqlama verməyiblər.