Rusiya Qara dənizə hərbi gəmilər gətirir
2020-ci ilədək Rusiya Hərbi-Dəniz Qüvvələrinin Krımdakı Qara dəniz donanmasının balansına 54 yeni gəmi daxil olacaq.
Bunu Qara dəniz donanmasının rəhbəri, admiral Aleksandr Vitko bildirib.
Onun sözlərinə görə, hazırda Sevastopol şəhərində keçirilən hərbi-dəniz paradı Sovet İttifaqı dövründə inşa edilən gəmilərin çoxluq təşkil etdiyi sonuncu paraddır.
"Severomorsk və Baltiysk limanlarına olan gəmilərin bir qismi artıq gələn il Krıma gətiriləcək", - deyə admiral məlumat verib.
Qara dəniz donanması 1783-cü ildə - Krım Rusiya imperiyasına qoşulduqdan sonra yaranıb. Onun ilk baza məntəqəsi Krım yarımadasının cənub-qərb sahilində yerləşən Axtiar buxtası olub. Burada Sevastopol şəhəri salınıb.
Artıq 1787-ci ildə onun tərkibinə 2 döyüş gəmisi, 12 freqat, 3 bombardman gəmisi və 28 ədəd digər tipli hərbi gəmi daxil idi. Donanmaya Qara dəniz admirallığı komandanlıq edirdi. (report)
Ölkə.Az
