Makronun reytinqi ən aşağı səviyyəyə düşdü

Fransa Prezidenti Emmanuel Makronun reytinqi ölkədə kütləvi etirazlara səbəb olan pensiya islahatlarından xalqın narazılığına görə 28%-ə düşüb.

Bunu bazar günü dərc olunan IFOP sosioloji xidmətinin sorğusunun nəticələri sübut edir.

Məlumata görə, Makronun prezident kimi fəaliyyətindən razı qalan fransızların sayı son bir ayda 4 faiz azalıb.

"Ölkə.az" xəbər verir ki, sosioloji xidmətin nümayəndəsi Frederik Dabi dövlət başçısının aşağı reytinqinin səbəbini “cəmiyyətdə qeyri-populyar pensiya islahatının qarşılığı" hesab edir.

Fransanın baş naziri Elizabet Bornun da populyarlıq reytinqi 29%-ə düşüb ki, bu da onun Nazirlər Kabinetinin rəhbəri vəzifəsinə gəlişindən bəri ən aşağı göstəricidir.

Sorğu martın 9-dan 16-dək aparılıb və burada 18 yaşdan yuxarı 2000-ə yaxın insan iştirak edib.