Paşinyan Moskva görüşünün detallarını açıqladı: "Çox ağrılı məsələdir"

Ermənistan parlamentində ötən ilin büdcəsinin icra vəziyyəti haqqında çıxış edən ölkənin baş naziri Nikol Paşinyan mayın 26-da Moskvada baş tutan üçtərəfli görüş barədə məlumat verib.

“Ölkə.Az” xəbər verir ki, onun sözlərinə görə, bu günlərdə müzakirə olunan mövzulardan biri də Qarabağ, xüsusən də Qarabağda yaranmış humanitar vəziyyət və Laçın dəhlizinin bağlanması olub.

“Qeyd etməliyik ki, çox ağrılı vəziyyətdir, Laçın dəhlizinin bağlanması, Rusiya sülhməramlılarının gözü qarşısında və onların iştirakı ilə baş verib ki, bu da kifayət qədər narahatlıq doğurur. Müzakirənin nəticələri qənaətbəxş deyil”, - Nikol Paşinyan bildirib.

O əlavə edib ki, Moskva müzakirələrinin mövzularından biri regional kommunikasiyaların açılması məsələsi olub.

"Bir daha qeyd etməliyəm ki, Ermənistan onların açılışına hazırdır və bu, 9 noyabr tarixli üçtərəfli bəyanatın 9-cu bəndinə uyğun olaraq həyata keçirilməlidir. Lakin bu məsələnin həlli təkcə Ermənistan tərəfdən asılı deyil”, - Paşinyan əlavə edib.

​Mürtəza
Ölkə.Az