Yeni ada suriyalı uşağın adını daşıyacaq

"Biz danışıqları davam etdirməkdə və aparmaqda maraqlı olan ada sahibləri ilə yazışmalar aparmışıq"

Ölkə.Az "CNN"ə istinadən xəbər verir ki, misirli iş adamı Nəcib Saviris miqrantların yaşayışı üçün uyğun gələn iki özəl ada tapdığını bəyan edib.

"Biz danışıqları davam etdirməkdə və aparmaqda maraqlı olan ada sahibləri ilə yazışmalar aparmışıq", - deyə Saviris bildirib.

Onun sözlərinə görə, adalardan biri ailəsi ilə birlikdə Avropaya çatmağa cəhd edərkən boğulan suriyalı uşaq Ayla Kurdinin şərəfinə adlandırılacaq.

"Bu mənzərə mənə təsir etdi. Mən sadəcə dinc qala bilmərəm. Bunun mənə də aidiyyatı var", - deyə iş adamı qeyd edib.

Bir müddət öncə iş adamı bəyan edib ki, Afrika və Yaxın Şərqdən olan qaçqınların yaşayışı üçün bir neçə adanın alışını təmin edə bilər.

Rəşid Mustafazadə

Ölkə.Az