Putin: \"Rusiya Suriyada hərbi əməliyyatlarda iştirak etməyəcək\"
Vladimir Putin ABŞ-ın jurnalisti Çarli Rouza müsahibəsində danışıb
Ölkə.Az xəbər verir ki, Rusiya İŞİD terror təşkilatı ilə mübarizə çərçivəsində Suriya ərazisində hərbi əməliyyatlarda iştirak etməyəcək.
Bu barədə Rusiya Federasiyası prezidenti Vladimir Putin ABŞ-ın jurnalisti Çarli Rouza müsahibəsində danışıb.
"Rusiya Suriya və ya başqa dövlətin ərazisində heç bir hərbi əməliyyatlarda iştirak etməyi düşünmür. Ən azından, bu gün üçün biz bunu planlaşdırmırıq", - deyə Putin qeyd edib.
Onun sözlərinə görə, Rusiya hökuməti Suriya prezidenti Bəşər Əsəd və digər müttəfiqlərlə işlərin intensivləşdirilməsi barədə düşünür.
Xatırladaq ki, Rusiya HHQ Suriyanın Hələb şəhərində İŞİD və Əhrar əş-Şam döyüşçülərinin mövqelərinə aviazərbələr endirib.
Əməliyyat yerinə yetirildikdən sonra bütün təyyarələr Cableh şəhərindəki aviabazaya qayıdıblar.
Suriya ordusunun baş zabiti Rusiya HHQ-nin hücumunun SAAF ilə razılaşdırıldığını bildirib. Onun sözlərinə görə, hücum zamanı komandiri ilə birlikdə “Azərbaycan tabor”u məhv edilib.
Rəşid Mustafazadə
Ölkə.Az
