Misir niyə Rusiyanı dəstəklədi?

"Al Arabiya" yazır

30 sentyabrda Rusiya Suriyada bütün dünyanın tənqid etdiyi hava zərbələri endirməyə başlayıb. Lakin Misir bir neçə gün ərzində Rusiyanın müdaxilə etməsini dəstəkləyərək bəyan edib ki, İŞİD terror təşkilatı ilə mübarizədə istənilən addımı müsbət qarşılayır.

Ölkə.Az xəbər verir ki, "Al Arabiya"nın analizində göstərilir ki, Misirin Rusiyanın hava zərbələrini dəstəkləməsi sadəcə uğurla oynanılmış partiyadır. Vaxtında Qahirə Suriya prezidenti Bəşər Əsəd rejiminin dəstəklənməsinə görə ümumdünya qınağından qaçmağın yolunu bilmirdi. Axı Qahirə iddia edib ki, islamçılarla mübarizə istənilən vəsait və üsullara bəraət qazandırır.

Buna görə ölkə hətta üsyançıları dəstəkləyən və Əsəd hökumətinin istefasında israrlı olan əsas müttəfiqləri - Səudiyyə Ərəbistanı və ABŞ-a qarşı çıxa bilər. Həm ABŞ, həm Səudiyyə Ərəbistanı kürd üsyançıları və dinc sakinlərə zərər verən Rusiya hava zərbələrini qəti şəkildə pisləyir.

Kreml real İŞİD təhlükəsi ilə mübarizə aparmır, öz oyununu aparır

Bütün dünya Rusiya Federasiyasından gileynləndi: Kreml real İŞİD təhlükəsi ilə mübarizə aparmır, öz oyununu aparır. Onun əsas məqsədi nədir? Bu isə sadəcə zaman məsələsidir. Beynəlxalq ekspertlərin çoxu hesab edir ki, Misir özünü tələyə salıb və bu tələ müttəfiqlərin siyası inamının itirilməsi ilə yekunlaşa bilər.

Yaxın Şərq regionu üzrə tanınmış ekspert Castin Darginskiy hesab edir ki, Misir və Suriya yalnız 70-ci illərin sonunda yaxşılaşan mürəkkəb münasibətlər tarixinə malikdirlər, buna görə onlar sadəcə qonşulara çevrilsə, ölkələr böyük itkilərlə üzləşə bilərlər.

Müttəfiqlərlə ümumi məqsədlərinin olmasına baxmayaraq, Misir Rusiya kimi daha bir güclü "dost" qazanma imkanına inanır.

"Bu, Rusiya və ABŞ-ın oyunudur"

Siyasi sosiologiya üzrə professor Səid Sədək əminliklə qeyd edir ki, Misirin Rusiyanı dəstəkləməsinin əsas səbəbi onun ABŞ və Qərbə olan etibarını itirməsi, məyus olmasıdır.

Misir onların heç birində ciddi mübarizə ruhunu hiss etmir, Rusiya isə aktiv şəkildə müttəfiq dəstəyini sərgiləyir. Məhz buna görə ölkələr, Əsədin cəlb edilməsi də daxil olmaqla, yeni antiterror cəbhəsini formalaşdıra bilərlər. Digər səbəb isə Suriya qarşısında qorxudur, axı o, regionda terror ab-havasının yayılmasının qarşısını alan yeganə forpostdur", - deyə ekspert vurğulayıb.

Sədək əlavə edib ki, Misir bu münaqişəsə önəmli oyunçu deyil.

"Ancaq hamımız anlamalıyıq ki, Suriya münaqişəsi regional dövlətlərin oyunu deyil. Bu, Rusiya və ABŞ-ın oyunudur", - deyə Sədək bildirib.

Xatırladaq ki, Misir xarici işlər naziri Samih Şükri Rusiyanın Suriyadakı əməliyyatlarını dəstəkləyib.

Samih Şükrinin sözlərinə görə, Misir rəhbərliyi hesab edir ki, Rusiyanın İŞİD-ə qarşı mübarizədə iştirakı regionda terrorçu qruplaşmaların zərərsizləşdirilməsinə səbəb olacaq

Şükrinin bu bəyanatı bölgədən Rusiyanın hərbi əməliyyatlarına verilən ilk dəstək hesab edilir. O, Rusiyanın Suriyadakı terror məsələsinə mühüm əhəmiyyət verdiyini və bölgədə terrorizmin yayılmasının qarşısını almaq istədiyini deyib.

Rəşid Mustafazadə

Ölkə.Az