Türkiyə ABŞ-ın müttəfiqlərinə zərbələr endirə bilər

"Türkiyə ABŞ-ın dəstəklədiyi suriya kürdlərinin sərhədyanı Tel-Abyad şəhərində muxtariyyətin yaradılmasının qarşısını almaq üçün bütün lazımi tədbirlər həyata keçirəcək".

Ölkə.Az xəbər verir ki, bu fikirləri Türkiyə prezidenti Rəcəb Tayyib Ərdoğan səsləndirib.

Onun sözlərinə görə, bu tədbirlərə hərbi əməliyyatların reallaşdırılması da daxil ola bilər.

Rəsmi Ankara hesab edir ki, "Demokratik ittifaq" (PYD) partiyasının rəhbərlik etdiyi kürdlərin Tel-Abyadın muxtariyyəti haqqında bəyanatı Türkiyənin milli təhlükəsizliyi üçün təhdiddir.

Qeyd edək ki, Türkiyə ABŞ-ın başçılığı altında koalisiyanın tərkibində Suriyada İŞİD terror təşkilatına qarşı hərbi əməliyyatlarda iştirak edir.

Rəşid Mustafazadə

Ölkə.Az