Papa 2 dəfə ölümdən dönübmüş - Həkimi danışdı

Uzun müddət xəstəxanada müalicə olunan Roma papası Fransisk 2 dəfə ölümdən dönüb.

Ölkə.Az xarici KİV-ə istinadla xəbər verir ki, katoliklərin ruhani liderinin müalicəsini həyata keçirən professor Doktor Serxio Alferi fevralın 28-i axşam və martın 3-də Papanın səhhətinin qəfil pisləşdiyini və ölüm təhlükəsi ilə üzləşdiyini açıqlayıb.

Qeyd edək ki, Vatikanın Dövlət başçısı Papa Fransisk fevralın 14-də səhhətində yaranan problemlərdən sonra ağır bronxit və nəfəs darlığı şikayətləri ilə xəstəxanaya yerləşdirilib. O, 38 günlük müalicədən sonra ötən bazar evə buraxılıb.

Billurə Yunus