Vahid Ələkbərovun şirkəti də "qara siyahıya" düşdü

ABŞ daha üç rus şirkətinə qarşı maliyyə sanksiyaları tətbiq etdiyini elan edib.

Ölkə.az "İtar-TASS" agentliyinə istinadən xəbər verir ki, ABŞ-ın əleyhinə sanksiyaları gücləndirmək əmri verdiyi Rusiya şirkətləri "Qazprom", "Lukoil" və "Sberbank"dır.

Adı çəkilən korporasiyalar Rusiya iqtisadiyyatının ən böyük pay sahiblərindəndirlər. "Qazprom" və "Lukoil" yanacaq-energetika sahəsində, "Sberbank" isə maliyyə bazarında böyük paya sahibdir.

Analitiklərin fikrincə ABŞ bu şirkətlərə sanksiyalar tətbiq etməklə onların beynəlxalq maliyyə əməliyyatlarını və aktivlərini dondura bilər.

Xatırladırıq ki, "Lukoil" neft şirkəti Azərbaycanda da fəaliyyətdədir və şirkətin səhmdarı, həm də prezidenti həmyerlimiz Vahid Ələkbərovdur.

Ölkə.az