Rubenyan: İrəvan TRİPP-də veto hüququna malik olacaq

Ölkə.az xəbər verir ki, bunu Ermənistan parlamentinin vitse-spikeri Ruben Rubinyan Zəngəzurda reallaşacaq TRIPP-in 26%-nə sahib olan Ermənistanın 74%-ə sahib olan Amerika tərəfini necə idarə edə biləcəyi ilə bağlı sualı cavablandırarkən bildirib.

Onun sözlərinə görə,  Zəngəzur dəhlizindəki TRİPP layihəsində də Ermənistan  nəinki söz sahibi, hətta veto hüququna malik olacaq. “Ermənistanın suveren maraqlarına aid ola biləcək xüsusi əhəmiyyətli məsələlərdə veto hüququna malik olacaq və  Ermənistanın razılığı olmadan heç nə etmək olmaz”, - Rubinyan bildirib.

O əlavə edib ki,  TRIPP nəzəri olaraq  100% Amerikaya məxsus ola bilər, lakin bu, suverenliyimizə və ya yurisdiksiyamıza heç bir şəkildə təsir göstərməyəcək.
Azərbaycanlıların gömrük işçilərini görüb-görməyəcəkləri ilə bağlı sualı cavablandıran rubenyan deyib ki, Ermənistan qurumlarının nümayəndələri pasport və gömrük məntəqələrində fiziki olaraq iştirak edəcəklər və bu qədər.

 O həmçinin  qeyd edib ki, TRİPP layihəsində Rusiyanın və ya Türkiyənin iştirakı nəzərdə tutulmur. 

Mürtəza