Tramp dövründə ABŞ-la Rusiya arasında ticarət dövriyyəsi 25% artıb

ABŞ gömrük məlumatlarına əsaslanan hesablamalarına görə, Rusiya ilə ABŞ arasında ticarət dövriyyəsi Donald Trampın yeni administrasiyasının ilk ilində dörddə bir artaraq təxminən 4 milyard dollara çatıb.

Ölkə.az xəbər verir ki, 2025-ci ilin yanvar-oktyabr ayları arasında Moskva ilə Vaşinqton arasında ticarət dövriyyəsi 2024-cü ilin eyni dövründə Co Baydenin dövründə 3,2 milyard dollarla müqayisədə 3,9 milyard dollara yüksəlib. Bununla da, ölkələr arasında ticarət illik müqayisədə 23,9% artıb.

ABŞ on ay ərzində Rusiyaya ən çox tibbi alət idxal edib (53,9 milyon dollar dəyərində), eləcə də müxtəlif souslar və şərbətlər (34,9 milyon dollar dəyərində). Kimyəvi analiz avadanlığı idxalın üçüncü ən böyük hissəsi olub (33,8 milyon dollar).
Rusiya bazarında Amerika dərmanlarına (27,9 milyon dollar) və rentgen avadanlıqlarına (23,6 milyon dollar) da tələbat var.

Eyni zamanda, Rusiya yanvar-oktyabr ayları arasında ABŞ-a azot gübrələrinin ixracını artırıb. İxrac illik müqayisədə ikiqat artaraq 1,1 milyard dollara çatıb. Platin Rusiya şirkətləri tərəfindən Amerika bazarına idxal edilən ikinci ən böyük mal olub (732,9 milyon dollar), kalium gübrələri isə üçüncü yerdədir (266,5 milyon dollar).

Bundan əlavə Moskva Vaşinqtona qaz turbinləri (80,7 milyon dollar) və kontrplak (61,1 milyon dollar) ixrac edib.

Mürtəza