Ərdoğandan İran açıqlaması: Hərbi müdaxiləyə qarşıyıq

"Biz İrana hərbi müdaxilənin əleyhinə olduğumuzu açıq şəkildə bildirmişik. Bunu həmkarlarımıza çatdırmışıq. Atəşi alovlandırmağın heç bir faydası yoxdur. Hərbi seçim bölgəni fəlakətə aparar".

Ölkə.az xəbər verir ki, bunu Türkiyə Prezidenti Prezident Ərdoğan ABŞ-ın Tehrana mümkün müdaxiləsi ilə bağlı məsələni şərh edərkən deyib.

Ərdoğan bildirib ki, regionu yeni bir münaqişəyə və xaosa sürükləmədən Amerika ilə İran arasındakı gərginliyi azaltmaq üçün əlimizdən gələni edirik: “Bu məqsədlə ABŞ Prezidenti Donald Trampla və İran Prezidenti Məsud Pazeşkianla telefon danaışığım olub. Həmçinin, İstanbulda İranın xarici işlər naziri Abbas Əraqçi ilə xarici işlər nazirimlə birlikdə üçtərəfli görüş keçirdik. İndiyə qədər hər iki tərəfin diplomatiyaya qapı açmaq istədiyini görürəm. Bu, müsbət bir inkişafdır. Problemlərin həlli münaqişə deyil, ortaq məxrəc tapmaq və danışıqlar aparmaqdır”.

Ərdoğan əlavə edib ki, Tehranla Vaşiqnton arasında danışıqlar mövcuddur və bu proses pozulmayıb. “İnanıram ki, aşağı səviyyəli görüşlərdə irəliləyiş əldə edildikdən sonra liderlər səviyyəsində danışıqlar da faydalı olacaq. Ümid edirik ki, problemlər dialoq yolu ilə həll olunacaq və bölgəmizdə yeni bir münaqişə yaranmayacaq. Həm liderlər səviyyəsində diplomatiya, həm də digər səviyyələrdə müzakirələr yolu ilə danışıqlar üçün əsasları gücləndirmək üzərində çalışacağıq”.

Mürtəza