Zelenski: Ukrayna PUA-larının uçuş məsafəsini 10 min kilometrə qədər artırmağı planlaşdırır
Yaxın iki il ərzində Ukrayna pilotsuz uçuş aparatlarının (PUA) uçuş məsafəsinin 10 min kilometrə qədər artırılması planlaşdırılır.
Ölkə.az xəbər verir ki, bu barədə Ukrayna Prezidenti Volodimir Zelenski amerikalı bloqer Lora Lumerə müsahibəsində bildirib.
V. Zelenskinin sözlərinə görə, uzaqmənzilli PUA-larının yaradılması üzrə Ukrayna proqramı inkişafının yeni mərhələsinə qədəm qoyur:
"Hazırda bizim 3000 kilometrdən çox uçuş məsafəsinə malik dronlarımız var. Bu il 4000 kilometrə qədər, gələn il isə 5 mindən 10 min kilometrə qədər uçuş məsafəsi olan PUA-larımız olacaq".
V. Zelenski vurğulayıb ki, pilotsuz texnologiyaların gələcək inkişafı ölkənin müdafiə potensialının gücləndirilməsinin əsas istiqamətlərindən biri olaraq qalır.(report)
