Tramp İrandakı vəziyyətə nəzarəti itirib - Qammell

"Ölkə.az" xəbər verir ki, bunu tarixçi və keçmiş diplomat Çarli Qammell Spectator jurnalında dərc olunmuş məqaləsində yazıb.

"Biz bütün tərəflərin bu münaqişə üzərində nəzarəti itirməsinin şahidi oluruq. Müharibəyə heç kim nəzarət etmir", - o yazıb.

Qammel vurğulayıb ki, ABŞ İrandakı münaqişəni hərbi yolla qazana bilməz: "ABŞ və İsrail İslam Respublikasına qarşı nə qədər çox zərbə endirsə, İran Hörmüz boğazını bir o qədər uzun müddət bağlı saxlayacaq. Çin və Rusiyaya daha çox "qapanacaq" və İslam İnqilabı Keşikçiləri Korpusunun (İİKK) mövqeyi güclənəcək".

Qammellin sözlərinə görə, ABŞ İranla danışıqlara mövcud vəziyyətdən "yeganə çıxış yolu" kimi baxmalıdır. Bundan əlavə, tarixçi hesab edir ki, bu danışıqlar güc mövqeyindən deyil, "bərabər şərtlərlə" aparılmalıdır. O, həmçinin vurğulayıb ki, danışıqlar yolu ilə həll vəziyyət üzərində "müəyyən nəzarəti bərpa edə" və İran xalqının əzablarını yüngülləşdirə bilər.

Qammell həmçinin yazıb ki, danışıqlarda uğur qazanmaq şansları hazırda "çox azdır" və hələlik diplomatlar hərbi əməliyyatların dayandırılması ilə bağlı müzakirələrin əsasını təşkil etmək üçün "ortaq zəmin tapmağa çalışırlar". Müəllifin fikrincə, İran danışıqlar zamanı bombardmanlardan yayınmaq üçün ABŞ-ın öhdəliyini yerinə yetirməyə çalışacaq.

Elvin

Ölkə.az