ABŞ İrana qarşı yeni hücum dalğasına başladı - Bəndər-Abbas vuruldu

Ölkə.az xəbər verir ki, ABŞ Mərkəzi Komandanlığı (CENTCOM) rəsmi bəyanat yayaraq, ABŞ şərq vaxtı ilə saat 15:00-dan etibarən İrana qarşı yeni hücum dalğasına başladığını elan edib.

Məlumata görə, bu hücumların əsas məqsədi İranın Hörmüz boğazında kommersiya gəmilərinə hücum etmək imkanlarını zəiflətməkdir. Əməliyyatların ABŞ dəniz qüvvələrinin İran limanlarına və sahilyanı bölgələrinə qarşı dəniz blokadasını bərpa etməyə hazırlaşdığı bir vaxtda reallaşdırıldığı bildirilir.

Bəndər-Abbas şəhəri hədəf alınıb

İranın "Mehr" xəbər agentliyinin yaydığı məlumata görə, Hormozqan Valiliyi ABŞ-yə məxsus mərmilərin strateji əhəmiyyətli Bəndər-Abbas şəhəri yaxınlığındakı bir nöqtəyə düşdüyünü rəsmən təsdiqləyib.

Bölgədə gərginlik pik həddə çatıb. Hadisələrin inkişafı barədə əlavə məlumat veriləcək.