Brüsseldə qərar: Monteneqro Aİ danışıqlarında yeni uğur qazandı
Ölkə.az xəbər verir ki, bu qərar bu gün Brüsseldə Monteneqro ilə Üzvlük üzrə Konfransın 28-ci iclası zamanı verilib.
"İrlandiyanın Aİ Şurasına sədrliyi dövründə Monteneqro ilə ilk Hökumətlərarası Konfransın keçirilməsindən və daha iki danışıq fəslinin müvəqqəti bağlanmasından qürur duyuram. Hazırda 18 fəslin müvəqqəti bağlanması ilə Monteneqro üzvlük prosesinin yarıdan çoxunu tamamlayıb və Avropa İttifaqına qoşulma prosesində lider mövqeyini qoruyur.
Aİ-nin genişlənməsi Avropada sabitliyin, təhlükəsizliyin və demokratik islahatların təmin edilməsi baxımından geosiyasi zərurətdir. Bu məsələ sədrliyimizin əsas prioritetlərindən biri olaraq qalacaq", - Aİ Şurasına İrlandiya sədrliyi adından çıxış edən İrlandiyanın Avropa məsələləri və müdafiə üzrə dövlət naziri Tomas Börn bildirib.
Diqqətə çatdırılıb ki, zərurət yaranacağı təqdirdə, Aİ gələcəkdə bu fəsillərə yenidən baxa bilər.
Qeyd edək ki, Monteneqro Aİ-yə üzvlük danışıqları çərçivəsində nəzərdə tutulan 33 danışıq fəslinin hamısını açıb. Bu gün əldə olunan razılaşmadan sonra həmin fəsillərdən ümumilikdə 18-i müvəqqəti bağlanıb.
Qzvlük üzrə Konfransın təsdiqlədiyi danışıq prinsiplərinə əsasən, ayrı-ayrı fəsillər üzrə əldə olunan razılaşmalar yekun razılıq əldə olunana qədər qəti hesab edilmir.
Xatırladaq ki, Aİ iyulun 14-də 20 ildən artıq müddətdən sonra ilk dəfə olaraq eyni vaxtda dörd namizəd ölkə ilə genişlənmə üzrə hökumətlərarası konfranslar keçirib.(Report)
