Zelenskidən xəbərdarlıq: Rusiyanın bir hissəsi olmaq istəmirsinizsə…

Ukrayna ya Avropa təhlükəsizlik sisteminin ayrılmaz hissəsi olacaq, ya da Avropadakı bəzi ölkələr Rusiya dünyasının bir hissəsi olmaq riskini daşıyacaq.

Ölkə.az xəbər verir ki, bunu Ukrayna Prezidenti Volodimir Zelenski deyib.

Bu həftə Avropa liderləri ilə birgə hava hücumundan müdafiə sisteminin yaradılması ilə bağlı danışıqlar aparacağını deyən Zelenski bildirib ki, Avropa ilə ortaq səma qalxanı qurmalıyıq. “Bu, təkcə bizim təhlükəsizliyimiz üçün deyil, həm də bütün qitənin təhlükəsizliyi üçün vacibdir", - o vurğulayıb.

Ukraynanın son dörd ildə tamamilə yeni və nəhəng müdafiə sənayesi sektorunun qurduğunu qeyd edən Zelenski bildirib ki, raketlərimiz, pilotsuz sistemlərimiz, tutucularımız, artilleriya sursatlarımız və robot komplekslərimizlə fəxr edirik: “Flamingo, Ruta, Peklo, Neptun, Palyanytsia və Vilxa kimi sistemlər artıq sadəcə layihələr deyil, sahədə fəaliyyət göstərən real qüvvələrdir. Dronlarımız sərhədimizdən 1750 kilometr uzaqlıqdakı hədəfləri vura bilir. Bu, rekord deyil…".

Mürtəza