Sızmalar, gizli görüşlər və sülh mesajı – Paşinyan kartları açdı
Ölkə.az xəbər verir ki, bunu Ermənistanın Baş naziri Nikol Paşinyan jurnalistlərlə söhbətində deyib.
Onun sözlərinə görə, məxfilik standartlarına riayət olunsa da, bu, təhlükəsizlik səbəbləri ilə də edilir. O əlavə edib ki, Ermənistan hökumətinin baş nazirinin müavini Azərbaycana səfər edib və orada da eyni standartlara riayət olunub. "Mediaya sızmalar heç vaxt istisna edilə bilməz. Azərbaycana gəldikdə isə belə sızmalar olmayıb, Ermənistana gəldikdə isə olub", - deyə Paşinyan qeyd edib. Səfərin nəticəsini şərh edən Paşinyanın fikrincə, bu, çox vacib hadisə idi.
O, Baş nazir müavinləri arasında qarşılıqlı səfərləri sülh prosesinin institusionallaşdırılması baxımından tarixi adlandırıb.
O ölkələr arasında təbii münasibətlərin, uzunmüddətli perspektivdə isə mehriban qonşuluq münasibətlərinin qurulmalı olduğunu vurğulayıb.
Paşinyan İrəvanın Respublika Meydanında təşkil edilən rəqsin Azərbaycan Baş nazirinin müavininin səfəri ilə heç bir əlaqəsi olmadığına əmin etdi. "Azərbaycan Baş nazirinin müavininin səfərinə görə Ermənistandakı həyatı dayandırmalı idikmi? Xeyr. Biz hər bir xarici qonağı mümkün qədər səmimi qarşılamalıyıq", - deyə o, yekunlaşdırıb.
Mürtəza
