Bu ölkə Kiyevə 50-dən çox F-16 verəcək

Belçika Ukraynaya 50-dən çox F-16 qırıcı təyyarəsi təhvil verəcək, lakin təyyarələrin verilmə prosesi uzun zaman alacaq.

Ölkə.az xəbər verir ki, müdafiə şirkətinin inkişaf direktoru və ehtiyat hava qüvvələri zabiti Anatoli Xrapçinskinin sözlərinə görə, F-16 qırıcılarının Bleçikadan Ukraynaya çatdırılmasının 2029-cu ilədək uzanması təəssüf doğurur.

Gecikmənin səbəbinə gəldikdə isə Xrapşinski deyib ki, bu, ilk növbədə Belçikanın digər təyyarələrin modernləşdirilməsini gözləməsi ilə bağlıdır.

“Biz bu təyyarələrin modernləşdirilməsini və ən azı 50-sinin olmasını istərdik, çünki bu, həqiqətən də çox vacib bir məsələdir”, - Xrapçinski bildirib.

Ekspert qeyd edib ki, Belçikanın F-16 qırıcılarının təkmilləşdiriləcəyinə ümid var.

“Bu imkanları təmin etdiyinə görə Belçikaya təşəkkür edirəm. Bunun 2029-cu ilə qədər təxirə salınması təəssüf doğurur, amma ümid edirik ki, bəzi təyyarələr hava məkanını Rusiya təyyarələrindən qoruya biləcəkləri şəkildə təkmilləşdiriləcək”, - Xrapçinski vurğulayıb.

Medianın məlumatına görə, Ukrayna 2026-cı ildə Belçikadan yeddi F-16 qırıcı təyyarəsi, 2027-ci ildə daha beş, 2028-ci ildə 14 və 2029-cu ildə ən böyük 27 qırıcı təyyarə göndərilməsi gözlənilir. Ümumilikdə 53 F-15 qırıcı təyyarənin Ukraynaya göndərilməsi planlaşdırılır.

Mürtəza