ABŞ bu ölkələrlə iyunda hərbi təlimlər keçirəcək
ABŞ Silahlı Qüvvələrinin Mərkəzi Komandanlığı United States Central Command (CENTCOM) iyun ayında ABŞ ərazisində Mərkəzi və Cənubi Asiya ölkələrinin hərbçilərinin iştirakı ilə hərbi təlimlər keçirəcək.
Ölkə.az-ın məlumatına görə, Komandanlığın yaydığı bəyanatda bildirilir ki, “Regional Cooperation 2026” (“Regional Əməkdaşlıq 2026”) adlı təlimlərdə Mərkəzi və Cənubi Asiyadan təxminən 10 ölkənin silahlı qüvvələrinin nümayəndələri iştirak edəcək.
“Gələn ay CENTCOM Mərkəzi və Cənubi Asiya ölkələrindən olan xarici tərəfdaşların iştirakı ilə ‘Regional Cooperation 2026’ təlimlərini keçirəcək. Təxminən 10 ölkədən olan hərbçilər ABŞ-da hazırlıq keçəcəklər”, – məlumatda qeyd olunub.
CENTCOM-un açıqlamasına görə, təlimlər çərçivəsində əsasən Mərkəzi və Cənubi Asiya ölkələrinin quru qoşunları və daxili qoşunlarının nümayəndələri hazırlıq keçəcəklər.
Həmidə İbrahimova
